Юнитра ХХК нь 1999 онд дотоодын 100 хувийн хөрөнгө оруулалттайгаар үүсгэн байгуулагдсан цагаас эхлэн өнөөдрийг хүртэл нийт 20 жилийн турш дэлхийд танигдсан томоохон үйлдвэрлэгчдээс зам барилга, орон сууц НАА, эрчим хүч, дэд бүтэц, уул уурхай, ХАА-н салбарт түгээмэл хэрэглэгддэг төрөл бүрийн бага оврын тоног төхөөрөмж, багаж, техник хэрэгслүүдийг эх орныхоо хэрэглэгчдэд баталгаат чанар, өргөн сонголт, өндөр сэтгэл ханамжтайгаар нийлүүлсээр ирлээ. 

Бид "Техникийн дэвшлийг Монголд" гэсэн уриатайгаар үйл ажиллагаагаа явуулдаг бөгөөд олон улсын чанар стандартад нийцсэн техник технологи, шийдлийг бүх түвшний харилцагчдад хүргэн, хөдөлмөрийн бүтээмжийг нь дээшлүүлэгч, монгол улсынхаа эдийн засагт үнэтэй хувь нэмэр оруулагч үндэсний компани байхыг эрхэм зорилгоо болгон ажиллаж байна. 

Манай компани Улаанбаатар хотын хэмжээнд "ХОНДА төв" нэрийн 4 салбар дэлгүүрээр дамжуулан тоног төхөөрөмжүүдээ борлуулж, дотооддоо 10 гаруй нэр төрлийн зам барилгын бага оврын техникийг угсарч, эцсийн бүтээгдэхүүн болгон зах зээлд нийлүүлж байна. 

Түүнчлэн Honda, Yanmar, Panasonic, Toyota зэрэг дэлхийд тэргүүлэгч үйлдвэрлэгчдийн албан ёсны сертификат бүхий мэргэшсэн инженер, техникийн ажилтнуудаар баг бүрдүүлсэн "засвар үйлчилгээний төв"-өөр дамжуулан борлуулалтын дараах үйлчилгээ, угсралт суурилуулалтыг мэргэжлийн өндөр түвшинд хийх зорилт тавин ажиллаж байна.